ആശ്രാമം ശ്രീകൃഷ്ണ സ്വാമി മഹാ ക്ഷേത്രത്തിലെ ഈ വർഷത്തെ ശ്രീകൃഷ്ണ ജയന്തി ആഘോഷങ്ങൾ പൂർവാധികം ഭംഗിയായി 2023 സെപ്റ്റംബർ ആറാം തീയതി (1199 ചിങ്ങം 23)ബുധനാഴ്ച നടക്കും. ഉദയാസ്തമാന ഭാഗവത പാരായണം, പാൽപായസ പൊങ്കാല,സോപാന സംഗീതം,പ്രഭാത ഊട്ട്, നാരായണീയ പാരായണം, പഞ്ചാ മൃത വിതരണം,പിറന്നാളാൾ സദ്യ, ഓട്ടൻതുള്ളൽ, ഉറിയടി, മഹാതിരുവാതിര, നൃത്തനൃത്ത്യങ്ങൾ, കഥകളി, ശ്രീകൃഷ്ണ ജനന സമയത്തെ വിശേഷാൽ പൂജ കൾ എന്നിവ ഉണ്ടായിരിക്കും.
അന്ന് വൈകിട്ട് 5മണിക്ക് ബഹുമാനപ്പെട്ട തിരുവിതാംകൂർ ദേവസ്വം ബോർഡ് പ്രസിഡൻ്റ് ശ്രീ കെ.അനന്ത ഗോപൻ അവർകൾ ക്ഷേത്രം സന്ദർശിക്കുക യും പുതു തായി നിർമിച്ച നടപ്പന്തൽ,പുതുക്കിപ്പണിത കോടി അർച്ചനാ മണ്ഡപം എന്നിവയുടെ സമർപ്പണവും മതപാഠ ശാല യുടെ ഉൽഘാടനവും നിർവഹിക്കും.